Манбаи расмии иттилоот

Ин барнома дар асоси Қарори дахлдори Мақомоти иҷроияи ҳокимияти давлатии ш.Душанбе вобаста ба таъмини шафофияти иттилоотӣ оид ба иншоотҳои биноҳои баландошёнаи истиқоматӣ барои сокинон таҳия шудааст.

Ин барномаи мобилӣ манбаи ягонаи расмии иттилоот дар бораи ҳамаи иншоотҳои сохтмонии баландошёнаи истиқоматии дорои иҷозати расмӣ дар ҳудуди шаҳри Душанбе мебошад.

Маълумот мустақиман аз Сарраёсати меъморӣ ва шаҳрсозии шаҳри Душанбе пешниҳод шуда, мунтазам навсозӣ мегардад.

Истифодаи барнома

Барнома аз се бахши асосӣ иборат аст (дар поёни саҳифа):

• Харита: Барои дидани ҷойгиршавии иншоотҳо дар харита. Барои гирифтани маълумоти мухтасар, нишонаи иншоотро (маркерро) пахш кунед.
• Рӯйхат: Барои дидани рӯйхати пурраи лоиҳаҳо. Дар ин ҷо шумо метавонед аз рӯи номи фармоишгар, № Қарор ҷустуҷӯ кунед ё аз рӯи ноҳия (Сино, Фирдавсӣ ва ғ.) филтр намоед.
• Дар бораи: Ҳамин саҳифаи маълумотӣ.

Дар кунҷи рости болои харита тугмаи Танзимот (⚙️) мавҷуд аст, ки тавассути он шумо метавонед намуди харитаро (стандартӣ ё моҳвораӣ) иваз кунед ва гурӯҳбандии нишонаҳоро (кластерро) хомӯш/фаъол созед.

ДИҚҚАТ! Барои харидорони эҳтимолӣ

Пеш аз харидани манзил ё фазои тиҷоратӣ, ҳатман се қадами зеринро санҷед:

1. Боварӣ ҳосил кунед, ки лоиҳа дар ин харита ё рӯйхат мавҷуд аст. Агар лоиҳа дар ин барнома набошад, он иҷозати расмии сохтмон надорад.
2. Ба саҳифаи лоиҳа гузаред ва боварӣ ҳосил кунед, ки он дорои ҳамаи ҳуҷҷатҳои зарурии иҷозатдиҳӣ (Қарори Раиси шаҳр, Хулосаи экспертиза, Иҷозати сохтмон) мебошад.
3. Санҷед, ки блоки мушаххасе (масалан, "Блоки А", "Блоки 3"), ки шумо аз он манзил хариданӣ ҳастед, дар саҳифаи лоиҳа дар қисмати "Блокҳои дорои иҷозати сохтмон" номбар шудааст.
4. Агар дар саҳифаи лоиҳа навиштаҷоти сурхи "То пурра намудани ҳуҷҷатҳои пешазсохтмонӣ, бастани шартномаи ҳиссагузорӣ тавсия дода намешавад!" пайдо шавад, ин маънои онро дорад, ки ҳуҷҷатҳои лоиҳа ҳанӯз пурра нестанд ва харидани манзил дар ин марҳила хавфи баланд дорад.

Огоҳии ҳуқуқӣ: Фурӯши манзилҳо дар блокҳое, ки ҳанӯз иҷозати расмии оғози корҳои сохтмонӣ нагирифтаанд, қатъиян манъ аст!

Санҷиши ин маълумот шуморо аз мушкилоти молиявӣ ва ҳуқуқӣ дар оянда эмин медорад.

Радди масъулият

Ин барнома бо мақсади таъмини шаффофият ва дастрасии омма ба иттилоот сохта шудааст. Сарраёсати меъморӣ ва шаҳрсозӣ барои амалиёти молиявии байни харидор ва ширкати сохтмонӣ масъулият ба дӯш намегирад.

Барои гирифтани тасдиқи ниҳоии ҳуқуқӣ ё машварати иловагӣ, лутфан ба Сарраёсат муроҷиат намоед.